फिलिपिन्सलाई आगोसँग नखेल्न चीनको चेतावनी

पेइचिङ, २९ अप्रिल (सीआरआई) । आफ्नै जनताको कडा विरोधको बाबजुद फिलिपिन्स र अमेरिकाले हालै २०२५ ‘काँधमा काँध मिलाएर’ वार्षिक सैन्य अभ्यास सुरु गरे । यो सैन्य अभ्यास उत्तरी फिलिपिन्सको लुजोन टापुमा मात्र सञ्चालन गरिएको छैन, बरु चीनको थाइवानको नजिक रहेको बाटान टापुहरूमा पनि फैलिएको छ ।
विश्लेषकहरू विश्वास गर्छन् कि थाइवान जलडमरूमा अमेरिका र फिलिपिन्सको संयुक्त हस्तक्षेपको दिशा झन्झन् स्पष्ट हुँदै गइरहेको छ । यसप्रति चिनियाँ विदेश मन्त्रालयले स्पष्ट पारेको छ कि थाइवान मुद्दालाई क्षेत्रीय सैन्य तैनाथीलाई बलियो बनाउन, तनाव र टकराव निम्त्याउन र क्षेत्रीय शान्ति र स्थिरतालाई कमजोर पार्ने बहानाको रूपमा प्रयोग गर्ने कुनै पनि देशको दृढतापूर्वक विरोध गर्दछ ।
अमेरिका र फिलिपिन्सले थाइवान जलडमरू र दक्षिण चीन सागरमा समस्या निम्त्याउनुका पछाडि स्वार्थ आदानप्रदान गर्ने अँध्यारो विचार छ । दोस्रो विश्वयुद्धदेखि रिपब्लिकन होस् वा डेमोक्र्याटले सामान्यतया अमेरिका–फिलिपिन्स गठबन्धनलाई ठुलो महत्व दिएका छन् । यस वर्षको सुरुवातदेखि नै अमेरिकाले सैन्य सुरक्षाको क्षेत्रमा फिलिपिन्ससँगको आफ्नो सहयोगलाई बलियो बनाएको छ । यसको मुख्य उद्देश्य फिलिपिन्स यस ‘अग्रगार्ड’ लाई अझ बलियोसँग बाँध्नु, अमेरिकाको रणनीतिक आवश्यकताहरू राम्रोसँग पूरा गर्नु र चीनमाथि थप प्रतिबन्धहरू सिर्जना गर्नु हो ।
फिलिपिन्सले थाइवान मुद्दामा चीनलाई उक्साएर दक्षिण चीन सागर मुद्दामा अमेरिकाबाट थप समर्थन प्राप्त गर्न सक्ने सोचेको छ । त्यो गलत हिसाब हो । यो अत्यन्तै मूर्ख र खतरनाक चाल पनि हो । चीनले लामो समयदेखि स्पष्ट पार्दै आएको छ कि थाइवान मुद्दा चीनको मुख्य हितको केन्द्र हो र एक चीन एउटा रातो रेखा हो जुन पार गर्न सकिँदैन । फिलिपिन्सले दक्षिण चीन सागरमा समस्या मात्र निम्त्याइरहेको छैन, तर थाइवान मुद्दामा अमेरिकाको लागि आगोसँग खेल्ने प्रयास पनि गरिरहेको छ । अन्तमा केवल आगोसँग खेल्नु र जल्नु मात्र हुन सक्छ ।