राक्षसी रूपको अन्त्य

रगत मासु खान पल्केको
जङ्गलका राजा सिंह
सधैँ सधैँ हुँकार गर्छ
मै हुँ यहाँको मालिक भनी ।

अरूलाई तुच्छ नै ठान्छ
जहाँ शान्त शील स्वभावहरू
माया दया प्रेम सद्भावहरू
बाँकी रहने छैन अलिकति पनि ।

म र मेरोको हठीले
अन्धो भएपछि
लोभ र घमण्डले सीमा नाघी
लड्छन् नाकै फुट्ने गरी ।

रगत मासु खाएर मोटाएकाहरू
न त दौड्न सक्छन्
न त लड्दा उठ्नै सक्छन्
कसैको सहाराबिना ।

मानव समाजको विध्वंसकारी
राक्षसी रूप लिएका
साम्राज्यवादी विस्तारवादी
आतङ्कवादीहरू
आफ्नै प्रतिरूपदेखि आक्रोशित
आफैले आफैलाई बिर्सँदा
दुःख पाएको सिंहको अन्त्य
हुँदै छ अब क्षण भरमै ।

कुसंस्कारी युद्ध पिपासुहरू
कोही बाँकी रहने छैनन्
राक्षसी रूप लिएकाहरूको
स्वच्छ एकमनको एकताले
अवश्य अन्त्य गर्नेछ ।