अर्जेन्टिनाविरुद्धको इजिप्ट खेलको दोस्रो हाफमा भिएआर विवाद के थियो ?

(भिएआरले अस्वीकृत गरिएको गोल, इजिप्टका लागि पहेँलो कार्डको श्रृङ्खला र दुवै कप्तानको विपरीत भावनाले खेल समाप्त भयो ।)
एटलान्टा रङ्गशालामा निकै उत्साहजनक वातावरणमा इजिप्टको साहसिक लडाइँका बाबजुद पूर्वविजेता टोलीले पुनरागमन जीत हासिल गरेपछि विश्वकप ट्रफी कायम राख्ने अर्जेन्टिनाको सपना जीवितै छ तर विवादास्पद रेफ्री निर्णयहरूले गर्दा यो सपनामा कालो धब्बा लागेको छ ।
मङ्गलबार भएको अन्तिम १६ को खेलमा ३–२ को पुनरागमन जीत हासिल गर्नुअघि वर्तमान विश्व च्याम्पियनले फाराओ (टीम इजिप्ट) हरूलाई पछ्याइरहेका थिए ।
सामान्य खेल–समयको एकतिहात्न्दा कम समय बाँकी रहँदा, एक गोल अस्वीकृत गरिए पनि २–० को अग्रता लिएपछि इजिप्टले विश्व च्याम्पियनलाई बाहि¥याउने सङ्घारमा थियो ।
७९ औँ मिनेटमा क्रिस्टियन रोमेरोको हेड गोलले खेलको घाटा आधा घटायो र चार मिनेटपछि लियोनेल मेस्सीले प्रतियोगिताको आफ्नो आठौँ गोल गर्दै २–२ को बराबरी ल्याए र अर्जेन्टिनाको उपाधि रक्षालाई जीवित राखे ।
एन्जो फर्नान्डेजले इन्ज्युरी समयको तेस्रो मिनेटमा लाउटारो मार्टिनेजको क्रसमा उत्कृष्ट हेडिङ गर्दै दक्षिण अमेरिकी टोलीको लागि १३ मिनेटमा तीन गोलको आश्चर्यजनक रूपमा खेल उल्टाए ।

अर्जेन्टिनाविरुद्ध इजिप्ट विश्वकप खेलमा भिएआर विवाद के थियो ?
अर्जेन्टिनालाई कडा चुनौती दिएको कारण इजिप्टलाई सधैँ सम्झिनेछ, तर १–० को अग्रता रहेको बेला मोस्तफा जिकोको गोललाई भिडियो सहायक रेफ्री (भिएआर) को निर्णयले अस्वीकार गरेपछि अन्यायको अनुभूति भयो । यद्यपि, उनले पछि फेरि गोलपोस्टको जाली भेटाए र २–० को अग्रता बनाए ।
जिकोले प्रत्याक्रमणको शानदार दौडको अन्त्यमा गोल गरे, जब सालाहको पासमा बल अगाडि पाउनासाथ ११ नम्बर जिकोले नजिकबाट बल पोस्टमा छिराए । त्यसपछि उनले दौड्दै आफ्नो जर्सी फुकाल्दै रमाइलो उत्सव मनाउन थाले, तर इजिप्टको खुसी केही मिनेटपछि दुःखमा परिणत भयो किनकि भिएआरले गोलको निर्माणको सुरुवात देखेर यसलाई अमान्य ठह¥यायो ।
म्याच कमेन्टेटरहरूले त्यतिबेला यो निर्णय भिएआरको क्षेत्राधिकारभन्दा बाहिर भएको बताएका थिए । तर, अन्तर्राष्ट्रिय फूटबल सङ्घ बोर्ड – आईएफएबी (IFAB) को नियम पुस्तिका, खेलको कानुनअनुसार निर्णयलाई फरक तरिकाले व्याख्या गर्न सकिन्छ ।
आईएफएबीको नियमअनुसार, “समीक्षा गर्न सकिने घटना अघि र पछिको खेल अवधि खेलको कानुन र प्रोटोकलद्वारा निर्धारण गरिन्छ” र यसमा भिएआर प्रयोग गर्न सकिन्छ ।
थप रूपमा, “गोलको निर्माण वा स्कोरिङमा आक्रमणकारी टोलीको दोष
(ह्यान्डबल, फाउल, अफसाइड आदि)” को लागि समीक्षा अनुमति छ ।

इजिप्टविरुद्ध अर्जेन्टिनाको खेलमा कति जनाले पहेँलो कार्ड पाए ?
अर्जेन्टिनाले अग्रता लिएपछि फाराओहरूको शानदार दौड समाप्त भयो किनकि रेफ्रीले मोहम्मद सलाहको टोलीलाई एकपछि अर्को पहेँलो कार्ड दिन थाले ।
पहिलो पहेँलो कार्ड गोलकिपर मुस्तफा शोबेरले दिइयो, त्यसपछि हाम्दी फाथीलाई र त्यसपछि मारवान अटियालाई फाउलको लागि एउटा पहेँलो कार्ड दिइयो ।
इजिप्टले खेलमा बदलाव हुनुभन्दा अघि पेनाल्टीको हकदार महसुस गर्यो र चर्को स्वरमा गुनासो ग¥यो तर कुनै फाइदा भएन; मुख्य प्रशिक्षक होसम हसनलाई रेफ्रीसँग बहस गरेकोमा पहेँलो कार्ड देखाइयो र कप्तान सलाहले त्यो क्षणको चर्काचर्कीमा मध्यस्थता गर्ने प्रयास गरे ।

अर्जेन्टिना र इजिप्टको खेलमा पूर्ण–समय सिट्टी बजेपछि के भयो ?
३५ वर्षीय कप्टानकोे लागि सबैभन्दा ठुलो मञ्चमा सम्भवतः इजिप्टको लागि अन्तिम खेलमा रेफ्रीले पूर्ण–समयको सिट्टी बजाउँदा सलाहको टोली स्तब्ध भयो ।
मैदानमा अन्य भागमा, सलाहका अर्जेन्टिनी समकक्षी आँसुमा थिए† मेस्सीले आफ्नो २१ औँ विश्वकप गोल गर्दै अर्जेन्टिनालाई बराबरीमा मात्र ल्याएनन् तर आश्चर्यजनक पुनरागमन गर्दै क्वार्टरफाइनलमा पुग्न प्रेरित गरे ।