चिनियाँ विदेशमन्त्रीद्वारा अमेरिकालाई गलत चीन नीति परिवर्तन गर्न आग्रह

पेइचिङ, १ नोभेम्बर (सिन्ह्वा) । चिनियाँ राज्य परिषद्का सदस्य तथा विदेशमन्त्री वाङ यीले पछिल्ला केही वर्षयता चीन र अमेरिकाबीचको द्विपक्षीय सम्बन्धमा चौतर्फी प्रभाव परेको टिप्पणी गर्नुभएको छ । आइतबार अमेरिकी विदेशमन्त्री एन्टोनी ब्लिन्केनसँगको भेटमा उहाँले अमेरिकाले चीनको आन्तरिक मामिलामा बेइमानीपूर्वक हस्तक्षेप गरेको बताउनुभएको छ ।
मन्त्री वाङले वर्तमान अमेरिकी काङ्ग्रेसले ३०० भन्दा बढी चीन विरोधी विधेयकहरू पेश गरेको र ९०० भन्दा बढी चिनियाँ संस्था र व्यक्तिहरूलाई विभिन्न ढङ्गले एकपक्षीय प्रतिबन्धको सूचीमा समावेश गरेको र जसबाट सामान्य द्विपक्षीय सम्बन्धमा समेत गम्भीर आघात परेको टिप्पणी गर्नुभएको छ ।
विदेशमन्त्री वाङका अनुसार यसका अतिरिक्त संयुक्त राज्य अमेरिकाले विश्वव्यापी स्तरमा चीनलाई दबाउन विभिन्न साना र मध्यम खालका घेराहरू निर्माण गर्दै साना र मध्यम आकारका देशहरूमा पनि सोही अनुकूलको दबाब दिइरहेको छ ।
यी अभ्यासहरू जनताको हितसँग मेल खाँदैनन् र दुई देशको र अन्तर्राष्ट्रिय समुदायको अपेक्षाअनुरूप पनि नभएको हुनाले र वर्तमान समयको विकाससँग पनि असान्दर्भिक रहेकोले चीनले यसको स्पष्ट विरोध गरेको मन्त्री वाङले स्पष्ट पार्नुभएको छ ।
दुई देशबीचको कूटनीतिक सम्बन्ध स्थापना भएको चार दशकयताको महत्वपूर्ण अनुभव भनेको चीन र संयुक्त राज्य अमेरिका दुवैले सहयोगबाट लाभ उठाउने र टकरावबाट हुने नोक्सानी हो । एंकोरेज, तियान्जिन र ज्यूरिचले एकअर्कालाई सम्मान गर्नुपर्छ र एकअर्कालाई समान रूपमा व्यवहार गर्नुपर्छ, मन्त्री वाङको बुझाइ छ ।
संयुक्त राष्ट्रसङ्घका महासचिवले विश्वलाई विभाजनबाट रोक्न र नयाँ शीतयुद्धबाट बचाउन बारम्बार आह्वान गर्नु महत्वपूर्ण रहेको र यस वर्ष चीन र संयुक्त राज्य अमेरिकाका राष्ट्र प्रमुखहरूबीच दुई पटकको फोन वार्तामा निकै महत्वपूर्ण सहमति भएको मन्त्री वाङले बताउनुभएको छ । दुई पक्षले वार्ता पुनः सुरु गर्नुपर्ने र टकरावबाट जोगिनुपर्ने वाङको भनाइ रहेको छ । मन्त्री वाङका अनुसार अहिलेको अत्यावश्यक कार्य भनेको दुवै पक्षले दुई राष्ट्र प्रमुखले गरेको सहमतिलाई इमानदारीपूर्वक कार्यान्वयन गर्नुपर्ने र त्यसको लागि राजनीतिक तयारी गर्नुपर्ने नै हो ।
उक्त भेटका अवसरमा मन्त्री वाङले अमेरिकी विदेशमन्त्री ब्लिन्केनसँग समयमै र स्पष्ट रूपमा विचार आदानप्रदान गर्न र दुई पक्षबीचको मतभेदलाई कसरी व्यवस्थापन र नियन्त्रण गर्ने, उत्पन्न हुने समस्याहरूको उचित समाधान गर्ने, समझदारी बढाउने, शङ्का हटाउने, गलत धारणाहरूबाट बच्न र अन्वेषण गर्ने इच्छा व्यक्त गर्नुभएको छ ।
ताइवान मुद्दा चीन र संयुक्त राज्य अमेरिका बीचको सबैभन्दा संवेदनशील मुद्दा हो, वाङले भन्नुभयो, यदि यसलाई गलत तरिकाले बुझ्न थालियो भने यसले द्वीपक्षीय सम्बन्धलाई पूर्णरूपले क्षति पु¥याउनेछ । वाङले हालै ताइवानको अवस्था फेरि तनावपूर्ण बनेको र अमेरिकाले चीनले यथास्थितिमा परिवर्तन गरेको कारणले गर्दा यस्तो भएको हो भनी बारम्बार गर्ने गरेको टिप्पणीमा कुनै सत्यता नरहेको र अन्तरराष्ट्रिय समूदायमा भ्रामक प्रचार गरेको बताउनुभएको छ ।
वाङले ताइवान मुद्दाको वास्तविक स्थिति एक चीन हो, ताइवान चीनको एक हिस्सा हो र मुख्य भूमि र ताइवान एउटै देशको हो भन्ने कुरामा जोड दिँदै ऐतिहासिक अनुभवहरू र तथ्यले यसको प्रतिनिधित्व गरेको उल्लेख गर्नुभएको छ ।
ताइवान तनावको वर्तमान अवस्थाको मुख्य कारण ताइवान अधिकारीहरूले बारम्बार एक–चीन ढाँचा तोड्ने प्रयास गरेका छन् र ‘ताइवान स्वतन्त्रता’ सेनाहरूको लागि संयुक्त राज्य अमेरिकाको सहयोग र समर्थन पनि त्यतिकै दोषी छ, वाङले भन्नुभयो ।
“हामी संयुक्त राज्य अमेरिकालाई ‘ताइवान स्वतन्त्रता’ को नाममा हुनसक्ने गम्भीर हानी महसुस गर्न, नक्कली नीतिको सट्टा वास्तविक एक चीन नीति अपनाउन, विश्वासघातको सट्टा इमानदारीपूर्वक चीनप्रतिको प्रतिबद्धता पूरा गर्न आग्रह गर्दछौँ”, वाङले भन्नुभयो, “एक चीन नीतिलाई साँच्चै कार्यान्वयन गर्न र त्यसलाई व्यवहारमा उतार्न पनि हामी संयुक्त राज्य अमेरिकालाई आग्रह गर्छौं ।”
मन्त्री ब्लिन्केनले संयुक्त राज्य अमेरिकाले एक चीन नीतिलाई निरन्तरता दिने र दुई पक्षले आपसी सम्मानको भावनामा द्विपक्षीय सम्बन्ध विकास गर्नुपर्ने कुरा दोहो¥याउनुभएको छ । संयुक्त राज्य अमेरिका चीनसँग संवाद कायम राख्न, भिन्नतालाई जिम्मेवारीपूर्वक व्यवस्थापन गर्न र टकराव वा सङ्कटबाट बच्न इच्छुक रहेको उहाँले बताउनुभयो ।
त्यसैगरी वाङले संयुक्त राज्य अमेरिकाले चीनको वैधानिक अधिकार र हितलाई हानि पु¥याएको विभिन्न मुद्दाहरूमा चीनको गम्भीर चासो व्यक्त गर्दै अमेरिकी पक्षलाई उक्त विषयलाई गम्भीरतापूर्वक लिन पनि अनुरोध गर्नुभएको छ ।
सो अवसरमा दुवै पक्षले जलवायु परिवर्तन, ऊर्जा आपूर्ति, इरानको आणविक समस्या, कोरियाली प्रायःद्वीपको अवस्था, म्यानमार, अफगानिस्तानलगायतका महत्वपूर्ण विषयमा पनि विचार आदानप्रदान गरेका छन् र विभिन्न विश्वव्यापी चुनौतीलाई सम्बोधन गर्न वार्ता जारी राख्ने इच्छासमेत व्यक्त गरेका छन् ।