नेमकिपालाई किन रोज्ने ?

१. काठमाडौँ उपत्यकामा जसरी आदिवासी नेवारहरूलाई अल्पमतमा पारी यहाँको सभ्यता सिध्याउन शासक पार्टीहरू लागेका छन् त्यसरी नै यी शासक पार्टी हातमा लिई नेपालमा नेपाली नै अल्पमतमा पारी नेपाल निल्न भारत लागिपरेको छ । यसको सशक्त सडक र सदनमा आवाज उठाउने पार्टी नेमकिपा हो ।
२. उपत्यकाको मात्र होइन देशकै भाषा, कला, संस्कृति संरक्षण गर्न नगरपालिकाको पाठ्यक्रम, साहित्य सम्मेलन, जनजागरण गरी राष्ट्रिय भावना उठाउन लागिपरेको पार्टी नेमकिपा हो ।
३. देश र शासक दल भारतीय विस्तारवादको छाया र पञ्जामा छन् । ती दलहरूबाट अब देश जोगाउन सकिँदैन । त्यसैले देश जोगाउन लागिपरेको पार्टी नेमकिपा हो ।
४. नेपाल विदेशी पञ्जाबाट जोगाउन महाकाली सन्धि, एमसीसी, एसपीपी, नागरिकता विधेयकको विरूद्धमा सदन र सडकमा लड्ने–भिड्ने दल नेमकिपा हो ।
५. नेपाल आत्मनिर्भर हुनुपर्छ, मित्र राष्ट्रले बनाइदिएको उद्योग कलकारखाना बेच्नु हँुदैन भनी आवाज उठाउने दल नेमकिपा हो ।
६. समाज वर्गमा विभाजित छ । तल्लो वर्गलाई सेवा गर्नुपर्छ भनी शिक्षा, स्वास्थ्य निःशुल्क गर्ने अभियानको क्रममा ख्वप कलेज, ख्वप अस्पताल, घरदैलो नर्सिङ सेवा, पुस्तकालय, शिशुस्याहार, सफाइ, सम्पदा सरक्षण गर्ने दल नेमकिपा हो ।
७. फिजीकरणको बाटो भई नेपाल सिक्किम बन्दै छ, होसियार होउ भनी सशक्त आवाज उठाउने दल नेमकिपा हो ।
८. भ्रष्टाचार, अनियनितता, कमिसनखोरमा शून्य सहनशीलताको नीति लिने दल नेमकिपा हो ।
९. नेपालको स्वच्छ, इमानदार, देश र जनतामा समर्पित कम्युनिस्ट पार्टी नेमकिपा हो ।
त्यसैले आगामी मङ्सिर ४ को निर्वाचनमा नेमकिपाका उम्मेदवारलाई जिताएर देशका सच्चा देशभक्त, इमानदार र तल्लो वर्गको सेवा गर्ने नागरिक बनौँ ।