चीन–रूसको सम्बन्धले ‘आपसी घनिष्ट सही तरिका’ देखाउँछ

मार्च २० का दिन दिउँसो चीनका राष्ट्राध्यक्ष सी चिनफिङ विशेष विमानबाट मस्को पुगेर रूसको राजकीय भ्रमण सुरू गर्नु भयो । मस्कोस्थित भानुकोभो आन्द्रेई टुपोलेभ अन्तर्राष्ट्रिय विमानस्थलमा भएको सम्बोधनमा राष्ट्राध्यक्ष सी चिनफिङले द्विपक्षीय सम्बन्ध र साझा सरोकारका प्रमुख अन्तर्राष्ट्रिय तथा क्षेत्रीय समस्याका साथै चीन–रूस रणनीतिक समन्वय र व्यावहारिक सहकार्यको योजना तयार गर्ने विषयमा राष्ट्रपति पुटिनसँग गहिरो वैचारिक आदानप्रदान गर्नसक्ने आशा व्यक्त गर्नुभयो । त्यसअघि सी चिनफिङले रूसी सञ्चारमाध्यममा हस्ताक्षरित लेख प्रकाशित गर्दै अन्तर्राष्ट्रिय परिस्थितिको उतारचढावको परीक्षामा दुई देशबिचको सम्बन्धको मुख्य साँचो ‘एक अर्कासँग सही तरिका’ खोजेको बताउनुभयो । उहाँले आगामी दिनमा चीन–रूस सम्बन्धको व्यापक विकासका लागि सकारात्मक अपेक्षा पनि व्यक्त गर्नुभयो ।
सी चिनफिङ चीनका राष्ट्राध्यक्षमा पुनः निर्वाचित भएपछि यो पहिलो राजकीय विदेश भ्रमण हो । चीन र रूसबिचको सम्पूर्ण रणनीतिक साझेदारी सम्बन्धलाई चीनले उच्च महत्व दिएको देखिन्छ । चीन–रूसको परिपक्व र दृढ सम्बन्धले विश्वको सुरक्षा र स्थिरता कायम राख्नको लागि उपभोगी हुने छ । यसले दुई देशका जनतामात्र नभई विश्वको विकास र प्रगतिमा ठूलो योगदान दिनेछ ।– सीआरआई