स्वदेशको माया

भिरबारीको कोदो टिपी
छाक टारौँला ।
दुःख सुख जे भएनि
यही बसौँला ।

आकाशको तारा टिप्ने
छैन सपना ।
विपनामा खुसी छु
डाँडा पाखामा ।

विदेशको तातो भूमि मलाई
सुहाउन नि
बुढा भा’का बा आमालाई
कहिले रुवाउन नि ।

खनी ख्रोसरीसम्म पारे
मैले पाखाबारी
कोदो रोप्छु, आलु रोप्छु
पार्छु हरियाली ।

परदेशीका दुःख त्यहाँ
कसले बुझ्छ र ?
फेसबुकको फोटोले
वास्तविकता लुक्छ र ?

जल, जमिन, जडिबुटीले
सजिएको देश,
फरकफरक भाषा भेष
संस्कृति अनि परिवेश ।

सम्बन्धित