मध्यपूर्व सङ्कट र विश्वव्यापी अस्थिरताको लागि संरा अमेरिका जिम्मेवार : पुटिन

मस्को, अक्टोबर ३१ (सिन्ह्वा) । संयुक्त राज्य अमेरिका र यसका सहयोगीहरूले मध्यपूर्व सङ्कट र अन्य क्षेत्रीय द्वन्द्वको पछाडि रहेको र विश्वव्यापी अस्थिरताबाट सबैभन्दा बढी फाइदा लिने रूसी राष्ट्रपति भ्लादिमिर पुटिनले सोमबार बताउनुभएको छ ।
“मध्य पूर्वमा द्वन्द्व र अन्य क्षेत्रीय सङ्कटको पछाडि रहेकाहरूले आफ्नो विनाशकारी नतिजाको दुरुपयोग गरी विश्वभरका मानिसहरूमा घृणा र असन्तुष्टिको रोपण गर्नेछन्,” रुसी नेताले शीर्ष सुरक्षा र कानुन प्रवर्तन अधिकारीहरूसँगको बैठकमा भन्नुभयो ।
मध्यपूर्वको द्वन्द्वको पछाडि कसको हात छ र विभिन्न क्षेत्रहरूमा ‘घातक अराजकता’ लाई व्यवस्थित गर्न र लाभान्वित गर्नको जिम्मेवार छ भनेर बुझ्न महत्वपूर्ण छ, पुटिनले भन्नुभयो ।
“यो वर्तमान अमेरिकी शासक अभिजात वर्ग र तिनीहरूका उपग्रहहरू हुन् जुन विश्वव्यापी अस्थिरताको मुख्य लाभार्थी हुन्,” उहाँले भन्नुभयो ।
पुटिनले मध्यपूर्वको नाटकीय अवस्था र अन्य क्षेत्रीय द्वन्द्वलाई रुसविरुद्ध प्रयोग गर्ने प्रयास भएको र देशलाई अस्थिर बनाउने र विविध र बहुधार्मिक समाजलाई विभाजन गर्ने प्रयास गरिएको बताउनुभयो ।
संयुक्त राज्य अमेरिका कमजोर हुँदै गइरहेको छ र विश्वको एकमात्र महाशक्ति र आधिपत्यको रूपमा आफ्नो हैसियत गुमाउँदै छ । यो विश्व व्यवस्था बिस्तारै विगतको कुरा बनिरहेको छ, पुटिनले भन्नुभयो ।
वासिङ्टनले आफ्नो प्रभुत्व र विश्वव्यापी नेतृत्व कायम राख्न र विस्तार गर्न चाहन्छ, प्रतिद्वन्द्वी र भूराजनीतिक प्रतिद्वन्द्वीहरूलाई रोक्न सजिलो हुँदा विश्वव्यापी अस्थिरताको समयमा यो अधिक सुविधाजनक छ, उहाँले भन्नुभयो ।

भेनेजुयलाद्वारा प्यालेस्टिनीविरुद्धको नरसंहार रोक्न माग
सोमबार भेनेजुयलाका राष्ट्रपति निकोलस मादुरोले इजरायलद्वारा प्यालेस्टाइनी जनताविरुद्धको नरसंहार अन्त्य गर्न आफ्नो आह्वान दोहो¥याउनुभएको छ । “हामीले एउटै आवाजमा प्यालेस्टिनी जनताविरुद्धको नरसंहारको अन्त्यको माग गर्नुपर्छ,” बोलिभारियाली क्रान्तिका नेताले भन्नुभयो ।
“उनीहरू प्यालेस्टिनी जनतालाई नष्ट गर्न चाहन्छन् । यो उही विनाश योजना हो जुन एडोल्फ हिटलरले यहुदीहरूविरुद्ध गरेका थिए र यो सम्पूर्ण मानव जातिद्वारा निन्दा गरिएको कदम हो,“ उहाँले थप्नुभयो ।
राष्ट्रपति मादुरोले भन्नुभयो, “म विश्वलाई आफ्नो आवाज उठाउन र प्यालेस्टिनी जनताविरुद्धको संहार र हिंसा रोक्न आग्रह गर्दछु ।”
अक्टोबर ७ देखि हालसम्म, गाजापट्टीविरुद्ध इजरायली बमबारीहरूले ८,३०० जना मारेका छन् र २१,००० प्यालेस्टिनीहरू घाइते भएका छन् ।
भेनेजुयलाका राष्ट्रपतिले स्पेन, अमेरिका, फ्रान्स, टर्की, कोलम्बिया, जर्मनी, ट्युनिसिया, पोर्चुगल, अर्जेन्टिना, भेनेजुयलालगायत विभिन्न देशमा प्यालेस्टिनी जनताको समर्थनमा धेरै ¥यालीहरू निस्किएको पनि उल्लेख गर्नुभयो ।
“हामी प्यालेस्टाइनको लागि हाम्रो आवाज उठाउँछौँ । संसारभरका मानिसहरूसँग मिलेर, प्यालेस्टिनी जनतामाथि अन्धाधुन्ध आक्रमण गर्ने युद्धविराम र नरसंहारको लागि आह््वान गर्न हामी एकजुट छौँ । यी महान व्यक्तिहरूविरुद्ध अब कुनै बमबारी हुनुहुँदैन ।” मादुरोले जोड दिनुभयो ।