कमिसनलाई बढावा होइन, हतोत्साही गर्नुपर्छ

–दीनबन्धु केसी
 निवर्तमान सञ्चारमन्त्री गोकुल बाँस्कोटा कमिसनमा नभुल्न खबरदारी गर्ने विजयप्रकाश मिश्रलाई सरकारी प्रवक्ताको हैसियतले धन्यवाद दिनुको सट्टा गाली बेइज्जतीविरूद्ध जिल्ला अदालत काठमाडौँमा मुद्दा हाल्न पुगे । सेक्युरिटी प्रिन्टिङ प्रेस खरिदमा कमिसन मागेर पदको दुरूपयोग नगर्न खबरदारी गरेका मिश्रलाई गाली बेइज्जतीको मुद्दा राखेर मन्त्री बाँस्कोटा चोखिने छैन । कानुन हातमा लिएर, पैसाको खोलो बगाएर र डर धम्कीको आधारमा हार्नुपर्ने मुद्दा जित्न सकिएला, कानुनतः अभियुक्त निर्दोष ठानिएला तर जनताको नजरमा विजयप्रकाश मिश्रहरू सत्पात्र नै ठानिएका हुन्छन्, यस्ता निर्भिक पात्रहरू देशको निम्ति खाँचो छ ।
नेपाल भ्रष्टाचार र कमिसनको चक्करमा फसेको मुलुक हो । भ्रष्टाचार कमिसनकै कारण नेपाल विश्वमा बदनाम भएको देश हो । नेपाल त्यसै भ्रष्टाचारको सूचीमा परेको होइन । कमिसन र भ्रष्टाचारमै पल्केर सत्तारूढ दल र ठूला दलका नेता, मन्त्री, सांसद, जनप्रतिनिधि र कार्यकर्ताहरू धनी भएका छन् । कार्यकर्तादेखि नेता र मन्त्रीहरूको यस्तै चरित्रले गर्दा नेपाल विकास नभएको हो । कमिसनको खेलमा डुबेकै कारण देशमा अनियमितता बढेको हो । विजयप्रकाश मिश्रको खबरदारी कुनै व्यक्तिको इज्जत र प्रतिष्ठामा धक्का पु¥याउन होइन, कुनै पनि नेता, मन्त्री र सांसदले कुनै सामान आयात र निर्यातमा कमिसन र भ्रष्टाचारको कुरा नगर्न सुझाएको रूपमा लिनुपर्छ । पदको दुरूपयोग गरी कमिसनमा नफस्न खबरदारी गर्नेलाई पनि त्यस्तै मुद्दा हालिन्छ र क्षतिपूर्ति भराइन्छ भनी पाठ सिकाउन खोजेको त होइन ?
मुद्दा राख्दैमा निवर्तमान सञ्चारमन्त्री बाँस्कोटाले सफाइ पाइन्छ भन्ने हाइन । अडियो टेपमा आएको विषयमा सत्यता नभएको कुराकानीमा रकम लेनदेनको लागि कसैसँग कुरा नगरेको जवाफ निवर्तमान मन्त्री बाँस्कोटाले जवाफ दिन पाउँछन्, पत्रकार सम्मेलन गरी स्पष्टीकरण दिन पाउँछन् । कसैले भनेको आधारमा कुनै व्यक्तिको चरित्र, नैतिकता र ख्यातिमा असर पु¥याउँदैन । आफू चरित्रवान, नैतिकवान छन् भने के को आधारमा बाँस्कोटाले राजीनामा गरेका हुन् ? देशमा भ्रष्टाचार कम गर्ने हो, कमिसन रोक्ने हो भने भ्रष्टाचार र कमिसनमा पल्केर राजनीति गरिरहेका नेता, मन्त्री, सांसद र जनप्रतिनिधिहरूलाई खबरदारी गर्नैपर्छ, त्यस्ता चरित्रका व्यक्तिहरूको विरोध गर्नैपर्छ ।
सरकारले भ्रष्टाचार कमिसनलाई बढावा होइन हतोत्साही गर्नुपर्छ । भ्रष्टाचार र कमिसनको विरोध र खबरदारी गर्नेहरूलई उत्साहित बनाइनुपर्छ, हौसला दिनुपर्छ । सरकारले गर्नुपर्नेमा काम अरूले गर्दा उल्टो मुद्दा राख्ने, भ्रष्टाचारविरोधी कदमलाई निष्क्रिय पार्ने काम गरेर कसरी देशमा भ्रष्टाचार अन्त्य हुन्छ, कमिसनखोरी रोकिन्छ ? बाँस्कोटाले मिश्रविरूद्ध गाली बेइज्जतीविरिूद्ध मुद्दा दायर गरेर आफ्नो झन् बदनाम हुन्छ, इज्जत र आस्थामा धक्का पु¥याउँछ । मुद्दाको परिणाम जे–जस्तो आए पनि निवर्तमान सञ्चारमन्त्रीप्रति जनताको विश्वास हुनेछैन । भ्रष्टाचार बढी भएको देशमा विजयप्रकाश जस्ता आँटिला मानिसहरूको आवश्यकता छ, भ्रष्टाचार र कमिसनविरूद्ध आवाज बुलन्द गरिरहनुपर्छ ।